Радий Хәбировтың ошо турала Указы бар. Совет халыҡҡа күрһәтелгән социал ярҙам сифатын яҡшыртыу өсөн кәрәк. Уның составына социаль ойошма вәкилдәре, эшҡыуарҙар, ғалимдар, власть органдары инде. Советты Радий Хәбиров етәкләй. Башҡортостандағы орган илдә беренселәрҙән булып ойошторолдо. "Бөтә Рәсәй инвалидтар йәмғиәте"нең республика ойошмаһы етәксеһе Вячеслав Миних фекеренсә Совет эшмәкәрлеге һаулыҡ һаҡлау, мәғариф, эш менән тәьмин итеү, социаль яҡлау өлкәләрендә төрлө башланғыстарҙы ғәмәлгә ашырыу мөмкинлеге бирергә тейеш. Был мәсьәләләрҙе хәл итеүҙә бөтә социаль төркөмдәрҙән кешеләрҙе, шул иҫәптән дәүләт, бизнес вәкилдәрен йәлеп итергә кәрәк.