Рәсәй Президенты Владимир Путин ҡушыуы буйынса тирә-яҡты йәшелләндереү сараһы быйылдан халыҡ-ара статусҡа эйә. Беҙҙең республикала акция бөгөн башланды һәм 22 майға тиклем дауам итә. Сара илде һаҡлаған бөтә батырҙар иҫтәлеге һәм хөрмәтенә үткәрелә. Быйыл Башҡортостан Башлығы Радий Хәбиров тәҡдиме буйынса “Хәтер баҡсаһы” акцияһының төп майҙансығы Шишмә районы Турахан кәшәнәһе янында була. Бында 1 мең 100 төп ҡайын үҫентеһе ултыртыла.