Барлығы ярты меңдән ашыу объектта Евразия иҡтисад союзының техник регламент талаптары теүәл үтәлергә тейеш. Контролгә алынған аттракциондарҙың күбеһе ҙур ҡалаларҙа һәм район үҙәктәрендә урынлашҡан. Уларҙың техник мөмкинлектәрен аккредитация үткән һынау лабораториялары баһалай. Билдәле булыуынса, Башҡортостанда күңел асыу ҡоролмалары алты ойошма белгестәре тарафынан тикшерелә. Өфөнөң Яҡутов паркында урынлашҡан яңы аттракциондарҙа ла бер нисә етешһеҙлек асыҡланды, уларҙы бөтөрөү бурысы ҡуйылды.
Аттракциондарҙың техник торошо йылына бер тапҡыр тикшерелергә тейеш. Ваҡытлыса урынлаштырғанда ла, билдәләнгән тәртип буйынса теркәү үтеү талап ителә. Шул уҡ ваҡытта көн дә техник хеҙмәтләндереү ойоштороу мотлаҡ. Ҡулланыусыларға тәртип - ҡағиҙәләр буйынса мәғлүмәт стенды ҡуйыу, һаулыҡ, йәш, буй, ауырлыҡ буйынса сикләүҙәр ҙә асыҡ булырға тейеш.