Ауыл, ҡала һәм Башҡортостан үҫеше өсөн ҙур өлөш индергән замандаштарыбыҙҙы баһалайыҡ

Баймаҡ эшҡыуары Илсур Нәбиуллин бөгөн Өфөлә үткән “Яҡташлыҡ көсө” республика форумы барышында шулай тип белдерҙе. “Бизнесмендар аҡса һала, әммә эште атҡарыу халыҡ иңенә төшә. Әүҙемдәрҙе ваҡытында күрәйек һәм дәртләндерәйек”,  ти ул.

Ейәнсура районынан Ағинәйҙәр ҡоро ағзаһы Нурия Ҡоносбаева фекеренсә, бөгөн рухи тамырҙарҙы нығытыу, патриоттар тәрбиәләүгә ҙур иғтибар биреү мөһим. “Атайсал” тап илһөйәрҙәр проекты, тип иҫәпләй ул.