Сара фашизмға ҡаршы көрәштә һәләк булғандарҙың яҡты иҫтәлегенә бер минутлыҡ тынлыҡ акцияһынан башланды. Унан һуң тәбрикләү һүҙҙәре, юғары уҡыу йортоноң ижади коллективтары әҙерләгән концерт программаһы менән дауам итте. Тантаналы митингыны шулай уҡ хәрби уҡыу үҙәге студенттарының маршы ла биҙәне. Быйыл ул ете төркөм ҡатнашлығында ойошторолдо.
Бер тигеҙ сафта үтеүселәр араһында беренсе курс уҡыусылары ла, офицер исемен йөрөткәндәре лә бар ине. Өфө дәүләт авиация институты базаһында 1944 йылда булдырылған хәрби кафедра илдең Ҡораллы көстәренә 18 меңдән ашыу офицер әҙерләүгә өлгәшкән.