Сорғот ҡалаһында Еңеү көнөндә Башҡортостанда тыуып үҫкән яҡташтар «Мәңгелек ут» мемориал комплексына сәскә гөлләмәләре һалып ветерандарҙы, яугирҙарҙы иҫкә алды. Хәтер митингында хәрби-патриотик ойошма вәкилдәре, дин әһелдәре, йәмәғәт эшмәкәрҙәре ҡатнашты.
Улар Бөйөк Ватан һуғышында ҡатнашыусыларға оло хөрмәт менән аяҙ күк йөҙө өсөн рәхмәтен еткерҙе. Фашизм менән көрәштә үҙ ғүмерҙәрен йәлләмәгән олатай-өләсәйҙәр һәр ғаиләлә тиерлек булған, шуға ла ватандаштар Бөйөк байрам көнөндә ветерандарҙың портреттары менән сыҡты.