Мәғәфүр Хисмәтуллин исемендәге музыка мәктәбендә ойошторолған сарала ҡурайҙа уйнау буйынса оҫталыҡ дәресе лә үтте. Виртуоз ҡурайсы милли музыка ҡоралының тарихы менән таныштырҙы, башҡорт теле, мәҙәниәте, ғөрөф-ғәҙәттәре тураһында һөйләне. Музыка мәктәбенең Руслан Кирамов класы уҡыусылары концерт номерҙары күрһәтте. Осрашыу аҙағында Роберт Юлдашев башҡорт халыҡ йырҙарын ҡурайҙа уйнап ишеттерҙе.