Бөгөн Башҡортостан Башлығы ҡарамағындағы физик культураны һәм спортты үҫтереү мәсьәләләре буйынса совет ултырышы үтте. Уның эшендә Рәсәйҙең спорт министры урынбаҫары Алексей Морозов ҡатнашты. Кәңәшмәлә спортта һәм мәғарифта ҡануниәтте көйләү, спорт өлкәһен һанлаштырыу һәм башҡорт атлеттарына медицина ярҙамы күрһәтеү мәсьәләләре тикшерелде.
Көн тәртибенә индерелгән төп мәсьәләләрҙең береһе - адаптив спортты үҫтереү ине. Совет ултырышында ҡатнашыу өсөн Өфөгә Рәсәй Паралимпия комитеты президенты Павел Рожков килде. Республикала махус хәрби операцияла ҡатнашыусыларҙы спорт менән шөғөлләнеүгә йәлеп итеүгә айырыуса иғтибар бүленәсәк.
Ултырыш аҙағында Рәсәй Паралимпия комитеты менән Башҡортостан Хөкүмәте араһында хеҙмәттәшлек тураһындағы килешеүгә ҡул ҡуйылды. Күренекле яҡташ спортсылар дәүләт наградалары менән бүләкләнде. Шулай уҡ Радий Хәбиров республиканың «Дәүләт спорт стипендияһы» сертификаттарын тапшырҙы. Өс кеше «Ауыл тренеры»программаһы сиктәрендә берешәр миллион һум аҡсалата бүләккә лайыҡ булды.