Ул илдә иң күләмле спорт сараларының береһе иҫәпләнә. Марафон Рәсәйҙең 85 ҡалаһын берләштерә, йыл да стартҡа 120 меңдән ашыу кеше сыға.
Өфөлә быйыл 2500 ҡатнашыусы төрлө дистанцияларҙа үҙ көсөн һынаны. Әгәр былтыр сарала ҡатнашыусылар стартҡа куртка һәм баш кейемендә баҫһа, быйыл һауа торошо эҫе тура килде. Физик әҙерлекһеҙ кешеләргә йүгереү еңелдән булманы, шуға ҡарамаҫтан ике мең ярым ҡатнашты. Төп дистанцияла стартты күп тапҡырҙар паралимпия чемпионы Рима Баталова бирҙе.
Марафонда 1,5, 10 һәм 21 саҡрымға иҫәпләнгән дүрт дистанция билдәләнгән. Уларҙың барыһында ла пейсмейкерҙар - профессиональ спортсылар ҡатнашты, улар йүгереүҙең темпын билдәләне. Быйыл марафон сиктәрендә хәйриә акцияһы ла үтте. Йүгереүселәр Өфөнөң хәйриә фондтары өсөн аҡса йыйҙы. Ярым марафон дистанцияһында беренселекте Евгений Майоров яуланы.