Ул “Башҡортостан” ирекле мотоуҡсылар полкы составына инәсәк. Алдағы көндәрҙә батальон Һамар өлкәһендәге хәрби частәрҙең береһендә әҙерлек үтә, унан Махсус хәрби операцияға юлланасаҡ. Быға тиклем Рәсәйҙәге беренсе ирекле полк составынан артиллерия батареяһы, медицина ротаһы, шулай уҡ Таһир Күсимов һәм Даян Мурзин исемендәге формированиелар хәрби әҙерлеккә ебәрелде. Оҙатыу тантанаһына бәйле бөгөн Өфө үҙәгенең бер өлөшөндә автомобиль хәрәкәте сикләнә. Көндөҙгө сәғәт 12-нән алып Совет майҙаны эргәһендә юл ябыла. Пушкин урамының Ленин һәм Цюрупа урамдары араһындағы өлөш һәм Совет урамына транспорт үткәрмәйәсәктәр. Водителдәргә маршрутты алдан хәстәрләргә кәңәш ителә.