Республика Хәрби дан музейында патриотик йүнәлештә эш башҡарып яҡшы һөҙөмтәләргә ирешкән йәш армеецтар бүләкләнде. «Хәтер һәм ҡайғы көнө» уңайынан ойошторолған сарала республиканың төрлө район-ҡалаларынан йыйылған 29 бала билдәләнде. Илһөйәр ҡыҙҙар һәм егеттәргә Башҡортостан Мәғариф һәм фән министры Айбулат Хажин ҡаһарманлыҡ значоктары тапшырҙы. «Хәтер һәм ҡайғы көнө»ндә ҡатнашыусылар Бөйөк Ватан һуғышына арналған фильм ҡарап, Хәрби дан музейы күргәҙмәһе менән танышты.