Ике көн дәртле көйҙәрҙән һуң Өфө халҡы һәм ҡунаҡтары классик музыка тыңларға йыйылды. Бөгөн «Евразия йөрәге»нең һуңғы көнө. Тамашасылар иғтибарына симфоник оркестр сығышы тәҡдим ителә. «Торатау» конгресс-холының амфитеатрында донъяуи классик әҫәрҙәр менән бергә Башҡорт халҡының ижади хазиналары ла яңғыраны. Өфөләр өсөн опера йондоҙо-Вероника Джиоеваның сығышы ҙур бүләк булды.
«Евразия йөрәге» фестивале «Рәсәй-Культура» телеканалының «Ҙур опера» проекты менән тамамланды. Башҡортостан милли симфоник оркестрына ҡушылып проект еңеүселәре сығыш яһаны.