Ике көн дауамында Башҡортостан ғалимдары Мәскәү һәм Австриянан килгән коллегалары менән аллергияһы булған пациенттарҙы дауалау механиздары, заманса алымдар тураһында тәжрибә уртаҡлаша. Тәүге көндә ғалимдар аллергия менән көрәшеү өлкәһендәге асыштары менән бүлешһә, иртәгәһенә ғәмәли дәрестәр, лабораторияларҙа берҙәм тикшеренеүҙәр көтөлә.
Башҡортостан студенттарына 20 йылдан ашыу ғүмерен молекуляр аллергологияны өйрәнеүгә бағышлаған Вена медицина университеты ғалимы Рудольф Валента менән аралашыу бәхете тейҙе.