25 кубометр ағас, бер тонна эсәр һыу һәм пилотһыҙ осоу аппараттары - ярҙам яҡташ хәрбиҙәрҙең командирҙары мөрәжәғәттәре нигеҙендә төҙөлгән. Блиндаж эшләү өсөн урман материалдары Дыуан районында әҙерләнгән. Бынан тыш, ылауҙа генератор, бензобысҡы, рабица селтәре, уаз автомобилдәре лә бар. Ылау 7 йөк машинаһынан тора, водителдәр 2 мең саҡрым самаһы юлды 2 тәүлектә үтергә ниәтләй.
Ылау Башҡортостан башлығы Радий Хәбиров ҡушыуы буйынса тупланған. Гуманитар ярҙамды йыйыуҙа Башҡортостан хөкүмәте, Дәүләт-Йыйылышы Ҡоролтай депутаттары менән бер рәттән республика халҡы, эшҡыуарҙар ҙа әүҙем ҡатнашҡан.