Мөмкинлектәр сикһеҙ. Инвалидтарҙың Бөтә Рәсәй 4-се йәйге спартакиадаһы башланды. Быйыл ул ике ай ярым дауамында илдең ете төбәгендә үтә. Башҡортостанда ярыш «Өфө» һәм «Салауат» спорт ареналарында уҙа. Спартакиаданы асыу тантанаһында Рәсәйҙең 22 төбәгенән ярты меңдән ашыу кеше ҡатнашты. Мәҙәни программанан һуң мөмкинлектәре сикләнгән спортсылар йөҙөү дисциплинаһында һынау тотто. Илле метр арауыҡҡа «ирекле стилдә» иң көслөләр асыҡланды.