Унда республика район-ҡалаларынан тыш, Мәскәү, Ҡазан, Силәбе ҡалалары, шулай уҡ Ямал-ненец һәм Ханты-Манси автономиялы округтары спортсылары ҡатнашты. Сараға шахмат буйынса донъя һәм Европа чемпионы Евгений Калегин да ҡушылды.
Ә иртәгә халыҡ-ара шахмат көнөндә Өфөлә «Лайф-стайл Башҡортостан» сауҙа үҙәге майҙанында халыҡ-ара гроссмейстер Денис Хисмәтуллин ҡатнашлығында уйын сеансы үтә. Унда барлығы 100 дәғүәсе көс һынаша. Программала оҫталыҡ дәрестәре, фотозона, концерт ҡаралған. Сара иртәнге сәғәт 11-се яртыла башлана. Уйында ҡатнашыу өсөн онлайн теркәү үтеү мотлаҡ. Тулыраҡ мәғлүмәт республиканың шахмат федерацияһы сайтында: rbchess.ru