Мәғариф һәм фән министрлығынан хәбәр итеүҙәренсә, өс уҡытыусы бәләкәй ҡала һәм ауыл мәктәптәрендә уҡытырға теләк белдергән. Башланғыс кластар уҡытыусыһы Баҡаланың 1-се мәктәбенә бара, математика буйынса белгес Бәләбәй районында Максим Горький исемендәге тоҡомсолоҡ заводы усадьбаһы мәктәбендә карьераһын дауам итә. Тағы бер башланғыс кластар уҡытыусыһы Бөрө ҡалаһының 9-сы мәктәбендә уҡытасаҡ. "Ауыл уҡытыусыһы" программаһы 2020 йылдан ғәмәлгә ашырыла. Бөгөнгә 150 уҡытыусы 1-әр миллион һум алды. Киләһе йылда программа тамамлана, тағы ике уҡытыусыға бер тапҡыр бирелә торған түләү ҡаралған.