Башҡортостандың юл хәрәкәтен ойоштороу үҙәге Юл хәрәкәте хәүефһеҙлеге дәүләт инспекцияһы хеҙмәткәрҙәре менән берлектә Өфөлә яңы аппарат ярҙамында рейд үткәрҙе. Рейд барышында закон талабын үтәмәүсе такси автомобилдәре тикшерелде.
Яңы техникала ҡағиҙә боҙоусыларҙың автомобиле дәүләт номерҙары буйынса билдәләнә һәм полиция хеҙмәткәрҙәре улдарҙы туҡтата. Артабан протокол төҙөлә. Такси хеҙмәте күрһәтеүгә рөхсәт алған, әммә машинаһына уның хаҡта билдә йәбештермәүселәргә, һары фонарь йөрөтмәүселәргә, лицензияһыҙ эш итеүселәргә штраф түләргә тура киләсәк.