Еңеү беҙҙең йөрәктәрҙә. Ошондай исем аҫтында ойошторолған ретро автомобилдәр медиаэкспедицияһы Өфөгә килеп етте. Биш «Победа» машинаһынан торған колонна Ханты-Манси автономиялы округынан Рәсәйҙең яңы төбәктәренә юл тота. Хәрби ирекмәндәрҙе, «Ватанды һаҡлаусылар» дәүләт ярҙамы фонды ағзаларын берләштергән медиаэкспедицияны БЮТ ижади төркөмө ҡаршы алды. Тулыраҡ мәғлүмәт БЮТ хәбәрсеһе Флорида Ким яҙмаһында.
Өфө урамдары буйлап хәрәкәт иткән ретро автомобилдәр колоннаһы баш ҡалаға Ханты-Манси автономиялы округынан килеп еткән. «Победа» машиналарын берләштергән медиаэкспедиция ағзалары Башҡортостанда ла хәтер туҡталышы ойоштороп, Еңеү паркында «Мәңгелек ут»ҡа һәм Советтар Союзы Геройҙары Александр Матросов менән Миңлеғәле Ғөбәйҙуллинға сәскә һалды.
Донецк, Луганск халыҡ республикалары, Херсон , Запорожье өлкәләренә гуманитар ярҙам еткергән автоколонна «Еңеү беҙҙең йөрәктәрҙә» тип аталған акция сиктәрендә хәрәкәт итә. Рарирет автомобилдәр сәғәтенә 70-80 саҡрым тиҙлектә килә, сөнки машиналар ете тиҫтә йыл элек етешетерелгән.
Илһөйәрлек акцияһы «Ватан һаҡсылары « махсус хәрби операцияла ҡатнашыусыларға ярҙам дәүләт фонды менән берлектә ойошторолдо. Биш ретро автомобилдән торған колоннала хәрби ирекмәндәр һәм фонд ағзалары берләште. Медиаэкспедицияла ҡатнашыусылар Өфөлә урынлашҡан фонд филиалы эшмәкәрлеге менән танышты.
Халыҡ-ара медиаэкспедиция Рәсәйҙә туғыҙынсы йыл рәттән ойошторола. «Еңеү беҙҙең йөрәктәрҙә» акцияһына ҡушылыусы төбәктәр исемлеге лә йылдан-йыл тулылана. Автоколонна Өфөлә Еңе- паркында һәм Шишмә районында Патриот паркында туҡтап, Һарытауға, аҙаҡ Яңы төбәктәргә юллана.
Флорида Ким