Башҡорт дәүләт медицина университеты клиникаһында бөгөн тәүгә йөрәктең яһалма һул ашҡаҙанын имплантациялау буйынса операция эшләнде. Йөрәк донорына мохтаждар өсөн мөһим әмәлиәт тураһында тулыраҡ киләһе яҙмала.
Операция өҫтәлендә 60-ты уҙған ир кеше. Йөрәк донорын көтөп ала алмаған замандашыбыҙға бөгөн медицина тармағындағы яңы алым ярҙамға килде. Йөрәктең яһалма һул ашҡаҙанын имплаНтациялау барышын мультидисциплинар бригадалағы ике тиҫтәнән ашыу белгес күҙәтте.
Йөрәктең яһалма һул ашҡаҙанын имплантациялауға пациенттар йәшкә ҡарап алына. Шулай уҡ ҡайһы бер хроник ауырыуҙарға ла сикләү бар. Бөгөнгө әмәлиәт өҫтәленә эләккән ир йөрәк етешмәүсәнлегенән яфалана.
Операция үткәргән пациент бер ай дауаханала ятырға тейеш. Һуңынан ул өйөнә ҡайтарылып ғәҙәти тормошон дауам итә. Бары тик айына бер тапҡыр йәшәү урыны буйынса табипҡа күренеп тороу ғына мөһим.
Азат Ғәлиуллин