Янғын таңға ҡарай сыға. Ҡотҡарыусылар килеп етеүгә, ағас йорт тулыһынса ут эсендә ҡалған була.
Ут тиҙ арала һүндерелә. Ҡыҙғанысҡа, 1986 йылғы әсә менән 1 йәшлек ҡыҙ баланың кәүҙәләре янғынды һүндергәндә табыла. Ут сыҡҡан мәлдә йорт эсендә баланың өләсәһе булыуы ла билдәле, ул урамға сығып өлгөрә.
Ә Өфөлә теркәлгән янғында өлкән йәштәге ҡатындың 90 процент тәне бешкән. Янғын кер йыуыу машинаһынан сыҡҡан. 2-се һәм 3-сө дәрәжә тән бешеүе алған ҡатын ауыр хәлдә 18-се дауаханаға оҙатыла. Ҡыҙғанысҡа, табиптар уның ғүмерен ҡотҡарып ҡала алмай.