Өфө аэропортында уны төбәк башлығы Радий Хәбиров ҡаршы алды. Сәфәр сиктәрендә Абхазия Президенты Башҡортостан Республикаһы көнөнә арналған тантаналы сараларҙа ҡатнашасаҡ. Бынан тыш, программала - төбәк башлығы Радий Хәбиров менән осрашыу, башҡорт һәм абхаз халыҡтарының дуҫлығын символлаштырған колоннада нигеҙенә таш һалыу, шулай уҡ бер нисә социаль һәм мәҙәни объекттарға барыу планлаштырылған.