БСТ телеканалы төркөмө Донбассҡа барып Башҡортостан яугирҙары тураһында интервьюлар һәм башҡа видеояҙмалар алып ҡайтты. 12 бәләкәй роликтар форматында төшөрөлгән документаль фильмдар күплеге Шайморатов исемендәге батальон яугирҙары тураһында һөйләйәсәк. Гүзәл Хәмитова етәкселегендәге төркөм Башҡортостан яугирҙарынан тыш, башҡа төбәк вәкилдәре һалдаттары менән дә осрашты. Төшөрөлгән кадрҙарҙа яугирҙарҙың кәйефен, батырлығын, хеҙмәттәштәре менән мөнәсәбәттәрен тулыраҡ бирергә тырыштыҡ тип әйтәләр проект авторҙары.