Баш ҡала хакимиәтенән хәбәр итеүҙәренсә, 118 миллион һум тотонола. Әле биләмә 45 процентҡа әҙер. Бында Рәсәй һәм Башҡортостандағы танылған һәйкәлдәр һәм тәбиғәт ҡомартҡыларының бәләкәй күсермәләре урынлаштырыла. Мәҫәлән, Шүлгәнташ мәмерйәһе, “Ватан-Әсә саҡыра” һәйкәле, Исаакий ҡорамын күрергә була. Башҡорт дәүләт ҡурсаҡ театрында төҙөкләндереү йыл аҙағына тиклем тамамланырға тейеш.