Республика Башлығы Радий Хәбиров бөгөн "Тура бәйләнеш" барышында Рәсәй һәм Ҡаҙағстан төбәктәре форумының Башҡортостанда уҙғарылыуы ҙур мәртәбә тип белдерҙе. Был йыйын киләһе йылда Өфөлә үтә. - Тышҡы иҡтисади эшмәкәрлек алып барған предприятиелар һөҙөмтәлерәк эшләй. Яңыртыу, хеҙмәт хаҡы түләү өсөн яңы мөмкинлектәр була. Бөгөн Беларусь, Ҡаҙағстан, Үзбәкстан менән авиабәйләнеш булдырылған. Беҙҙең күршеләр - мөһим сауҙа партнерҙары. Хеҙмәттәшлек яңы етештереү ҡеүәттәре асырға булышлыҡ итә, - тине Радий Хәбиров.