Профилле кластарҙа уҡыусылар Рәсәй конституцияһына арналған 20 һорауға он-лайн форматта яуап бирҙе. Диктант башланыр алдынан йәмғиәт белеме нигеҙҙәре һәм хоҡуҡ фәне уҡытыусыһы Лилиә Рахманғолова балалар менән илебеҙҙең төп законы - Рәсәй конституцияһы хаҡында әңгәмә үткәрҙе. Конституция хаҡында диктант үҫмерҙәргә Берҙәм дәүләт имтихандары алдынан йәмғиәт белеме нигеҙҙәре һәм хоҡуҡ предметтарын тағы ла тәрәнерәк өйрәнеүгә этәргес бирә.
Гимназияның 3-4-се класс уҡыусыларына Рәсәй конституцияһы тарихы хаҡында видеофильм тәҡдим ителде. Рәсәйҙең төп ҡануны яҙылған документты өйрәтеүсе танып-белеү дәресен малай-ҡыҙҙарға Эльвира Мөхәммәтшина үткәрҙе.Тәрбиә эштәре һәм балалар ойошмалары менән хеҙмәттәшлек итеү буйынса директор урынбаҫары йәш быуын үҙ хоҡуҡтарын һәм бурыстарын белеү кимәлен интерактив форматта тикшерҙе.