Эҙәрмән отрядтары, реконструкторҙар сараға килгән ҡунаҡтарҙы үҙҙәренең эштәре менән таныштырҙы. «Һалдат яҙмышы» проекты ярҙамында эҙәрмәндәр Бөйөк Ватан һуғышында эҙһеҙ юғалған һалдаттарҙы табырға ярҙам итә.
Халыҡ-ара күргәҙмә форум 4 ноябрҙә башланды һәм 12 апрелгә тиклем дауам итә. Был майҙансыҡта Рәсәй төбәктәре менән яҡындан танышырға мөмкин. Форумда илдең фән, мәҙәниәт, сәнәғәт, энергетика, төҙөлөш, транспорт һәм спорт өлкәһендәге төп ҡаҙаныштары күрһәтелгән.
Башҡортостан стендында 12-14 декабрҙә инвестиция грамоталылығына өйрәтеү маҡсатында саралар уҙғарыла. Күргәҙмәгә килеүселәр төбәктең иҡтисади һәм туристик ҡеүәте менән таныша ала, шулай уҡ унда интерактив инвесткарта, әҙер бизнес проекттар һәм дәүләт ярҙамы саралары тәҡдим ителәсәк.