Йәштәрҙе патриотик, социаль-мәҙәни һәм хеҙмәт тәрбиәһенә йүнәлтелгән проекттар һәм программалар. «Беренселәр хәрәкәте» уҙып барған йылға йомғаҡ яһап, киләсәккә маҡсаттар билдәләне.
Яңы ойошма былтыр июлдә Владимир Путин башланғысы менән барлыҡҡа килде. Хәрәкәттең Башҡортостандағы тәүге бүлексәләре Чесноковкалағы «Юлдаш» белем биреү үҙәгендә, Өфө радиоэлектроника, телекоммуникациялар һәм хәүефһеҙлек колледжында асылды. Бөгөн беренсел бүлексәләр республиканың һәр төбәгендә эшләй. Ул балаларҙың бөтә ойошмаларын берләштерә. Хәрәкәттә ҡатнашыусылар бер команда булып эш итә, бер-береһенә уҡыуҙа, хеҙмәттә һәм һәләттәрен асыуҙа ярҙам итә.
Конференцияның пленар ултырышында урындағы бүлексәләр делегаттары ҡатнашты. Уларҙы башҡарма һәм закондар сығарыу власы органдары вәкилдәре сәләмләне. Форум йомғаҡтары буйынса «Беренселәр хәрәкәте» эшмәкәрлегенең төп йүнәлештәре билдәләнде. Шулай уҡ киләһе йыл федераль кимәлдәге съезында ҡатнашыу өсөн 15 делегат һайланды.