Яугирҙарға, шулай уҡ Красный Луч ҡалаһында йәшәүселәргә гуманитар ярҙам 20 фураға тейәлгән. Уларға техника, ағас материалдар, инструменттар, маскировка селтәрҙәре, костюмдар, аҙыҡ-түлек, туғандарынан посылкалар һәм яңы йылға бүләктәр әҙерләнгән.
Йөк балалар йорттарына һәм госпиталдәргә лә таратыласаҡ. Колонна составында Башҡортостан полкына тәғәйенләнгән ике ат та бар. Юлға сығыр алдынан илдең яңы төбәктәренә гуманитар миссия менән йөрөүселәр бүләкләнде. Әле киләһе гуманитар ылау өсөн йөк туплана, ул 2024 йылдың ғинуарында оҙатыла.