Башҡорт дәүләт медицина университеты клиникаһы табиптары Да Винчи роботы ярҙамында сираттағы операция үткәрҙе. Был юлы пульт менән юғары уҡыу йорто ректоры Валентин Павлов идара итте. Операция өҫтәлендә - простата биҙе яман шеше менән яфаланған 73 йәшлек ир. Ауырыу киҫкенләшеүе һөҙөмтәһендә пациентта микроцист, йәғни бәүел ҡыуығы бәләкәсәйгән. Ҡатмарлы операция ярҙамында уға яңы бәүел ҡыуығы яһалған.
Әле Башҡорт дәүләт медицина университеты клиникаһында ике Да Винчи роботы бар. Улар ярҙамында былтыр йәмғеһе 800 операция эшләнгән, уларҙың 200-ө - бәүел ҡыуығына. Юғары технологиялы ярҙам онкология, таракаль хирургия, гинекология һәм башҡа өлкәләрҙә уңышлы файҙаланыла.