ЮНЕСКО эштәре буйынса Башҡортостан республикаһы комитеты ла Яңы йылды изге эштән башланы. Рәсәй фәндәр академияһы Өфө ғилми үҙәгенең Р. Ғ. Кузеев исемендәге этнологик тикшеренеүҙәр Институтының археология һәм этнография музейында үҙенсәлекле балалар һәм уларҙың ата-әсәләре өсөн бушлай экскурсия ойоштролдо.
Музей залдарында балалар ҡыҙыҡлы экспонаттар менән танышты, «Стәрлетамаҡ» метеориты хаҡында төплө мәғлүмәт алды, мамонт һөлдәһен күрҙе, башҡорт тирмәһен, Сармат алтыны коллекцияһын ҡараны. Музейға экскурсия йәш быуынды тарих һәм милли мираҫ менән таныштыра, тирә-яҡ мөхитте асырға ярҙам итә.