Бөтә донъя иҡтисади форумында әлегә фәнгә билдәһеҙ сир - яңы эпидемияға донъяның әҙерлеге тураһында һүҙ барҙы. Фаразлауҙар буйынса, «Икс» вирусы әлегә юҡ, әммә уның COVID-19 кеүек мәкерле, ә үлем кимәле 20 процентҡа күберәк булыуы ихтимал.
Биологик сир таралған осраҡта, Рәсәй һәм Башҡортостандың һаулыҡ һаҡлау өлкәһе был яңы һынауға әҙер, тип билдәләй белгестәр. Бөгөн республикала эпидемия миҙгелендә бер-береһе менән өс төрлө вирус йәшәй. Был коронавирус, грипп вирусы һәм башҡа киҫкен респиратор ауырыуҙар.