Матур кеше, абруйлы педагог, аҡыллы етәксе. Рәсәйҙең почетлы, Башҡортостандың атҡаҙанған мәғариф хеҙмәткәре Раил Рамаҙановтың йөрәге тибеүҙән туҡтаны. Ул оҙаҡ йылдар Өфөнөң 45-се мәктәбе директоры булды. Белем усағы сайтында билдәләнеүенсә, Раил Рифғәт улының юғары кешелеклек сифаттары уға берҙәм коллектив тупларға, тырыш балалар тәрбиәләргә, ата-әсәләр менән уртаҡ тел табырға булышлыҡ итте. Барыбыҙ өсөн ауыр юғалтыу тип яҙылған некрологта. Раил Рифғәт улы менән хушлашыу бөгөн Мәжит Ғафури исемендәге Башҡорт академия драма театрында үтте.