Яҡташтарыбыҙ Көнсығыш конференцияһынан Гагарин кубогы өсөн көрәшәсәк өсөнсө команда булды. Быға тиклем бындай хоҡуҡты «Металлург» менән «Авангард» яуланы. Әйткәндәй, бөгөн юлаевсыларҙың Алыҫ Көнсығыштағы сәфәре тамамланды. Һуңғы көндә яҡташтарыбыҙ Владивостоктың «Адмирал»ын 2:1 иҫәбе менән еңде. Шайбаларҙы дәғүәселәр ҡарҡаһына Данил Алалыкин менән Ярослав Цулыгин индерҙе. 19 йәшлек һаҡсының был Континенталь хоккей лигаһындағы тәүге голы булды. Киләһе уйынын юлаевсылар 1 февралдә үҙ боҙонда Тольяттиҙың «Лада» командаһы менән үткәрә.