Ике йыл эсендә Башҡортостанда мәктәптәрҙе яңыртыу программаһы буйынса дөйөм белем биреү учреждениеларының 140 бинаһы ремонтланған һәм заманса ҡорамалдар менән йыһазландырылған.
Был турала Хәкүмәт Премьер-министры Андрей Назаров үткәргән кәңәшмә барышында билдәләнде. Федераль бюджеттан 6,5 миллиард һумдан ашыу аҡса йәлеп ителгән. Программа буйынса артабан да эш дауам ителә. 2024-2026 йылдарҙа республикала тағы ла 74 мәктәпте тәртипкә килтереү ҡарала. Бының өсөн төбәк һәм ил ҡаҙнаһынан 6 миллиард һум самаһы аҡса йүнәлтелә.