Мәскәүҙә Рәсәй иҡтисади үҫеш министры Максим Решетников менән Башҡортостан башлығы Радий Хәбировтың эшсе осрашыуы барышында «Алға» айырым иҡтисади биләмәһен киңәйтеү, тимер юл төҙөлөшө һәм Рәсәй -Ҡаҙағстан халыҡ-ара форумына әҙерлек мәсьәләләре тикшерелде.
Республика делегацияһының Минскиға рәсми сәфәре һөҙөмтәләре буйынса төбәк биләмәләрендә төрлө проекттарҙы тормошҡа ашырыу тураһында килешелгән. Башҡорт-белорус индустрия паркы булдырыу тураһында ҡара ҡабул ителгән. Тәүге резиденттарҙың береһе - электр транспортын етештереү буйынса завод. Был Минск автозаводы менән «Өфө трамвай- троллейбус заводы»ның берлектәге производствоһы. Салауатта белорус холдингы менән берлектә литий аккумуляторҙары етештереү планлаштырыла. «Химинвест» компанияһы яһалма полимерҙар эшләргә ниәтләй.
Бынан тыш, Максим Решетников менән Радий Хәбиров Сибай-Подольск-Новорудная тимер юлы өлөшөн һуҙыу, шулай уҡ быйыл көҙ Өфөлә үтәсәк Рәсәй-Ҡаҙағстан 20-се төбәк-ара хеҙмәттәшлек форумына әҙерлек барышына бәйле һорауҙарҙы ла ҡараны.