«Баш ҡала йыл уҡытыусыһы» һәм «Баш ҡаланың башҡорт теле буйынса йыл уҡытыусыһы» конкурсы финалы Ҡала мәҙәниәт һарайында үтте. Бәйгелә маҡтаулы исемгә 60 белгес көрәшкән, уларҙың яртыһы - йәш белгестәр.
Конкурс ай дауамында барған, ҡатнашыусылар өс этапта төрлө бәйгелә һөнәри белемен һынаған. Уҡытыусылар яңы технологиялар һәм методикалар тәҡдим иткән, үҙ-ара тәжрибә бүлешкән. Еңеүселәр бер нисә номинацияла билдәләнгән, әйтәйек, «Танылыу» номинацияһында еңеүсене социаль селтәрҙәрҙә халыҡ һайлаған.
«Баш ҡала йыл уҡытыусыһы» конкурсы йолаға әүерелгән. Өс тиҫтә йылға яҡын уҙғарылған һөнәри бәйгелә 2 меңдән ашыу белгес ҡатнашҡан. Уларҙы республика юғары уҡыу йорттары ғалимдары, белем биреү учреждениелары етәкселәре, конкурсының элекке йыл еңеүселәре баһалаған. Еңеүселәр республика данын ил кимәлендә яҡлаясаҡ.