Өс спорт төрөндә: йөҙөү, синхронлы йөҙөү, һыуҙағы полола иң көслөләр асыҡланды. 12 төбәк вәкилдәре ҡатнашҡан фестиваль хаҡында киләһе яҙмала.
Виктория Сидо Өфөлә ниндәй музыка оҙатыуында сығыш яһаясағы хаҡында оҙаҡ уйланған. Һөҙөмтәлә үҙе яратҡан «Буратино» йәнһүрәтенән композиция һайлаған. Сидо спорттың синхронлы йөҙөү төрө менән 3 йыл шөғөлләнә, тыуған ҡалаһында һәм башҡа ҡалаларҙа ярыштарҙа ҡатнашып өлгөргән. Үҫмер Өфөләге сығыштарынан ҡәнәғәт.
Ярышта спортсылар өс йәш категорияһыа бүленеп сығыш яһаны. Бәләкәстәр төркөмөндә ун йәшкә тиклемге дебьютанттар ярышты. Уларҙың тулҡынланыуы аңлашыла, спортсылар сәмле ярышта тәжрибә тупланы, үҙенә ышанысын арттырҙы.
Башҡортостанда синхронлы йөҙөү ете йыл элек үҫешә башлаған. Иң мөһиме был спортҡа ҡыҙҙар йылдан-йыл күберәк ылыға . Өфөгә ярыштарға Рәсәй төбәктәренән 130 спортсы килгән.
Һыу спорты төрҙәре фестивале унда ҡатнашыусыларҙа һәм ата-әсәләрҙә ҙур ҡыҙыҡһыныу уятты. Тимәк, киләһе өсөнсө фестваль дә мотлаҡ Өфөлә үткәреләсәк.
Гүзәл Борханова