Башҡортостандың Төҙөлөш һәм архитектура министрлығы төҙөлөштә мәғлүмәти моделләштереү технологияларын индереү мәсьәләһенә ҡағылышлы стратегик сессия уҙғарҙы.
Төҙөлөшкә яңы технологияны индереү бынан ары документациялағы хаталарға юл ҡуймаҫ, тип күҙаллана. Иң мөһиме, ул торлаҡтың үҙҡиммәтен 5-10 процентҡа кәметергә мөмкинлек бирәсәк. Әле Башҡортостанда 122 махсуслашҡан төҙөлөш компанияһы эшләй. Уларҙың икеһе әле үк эштә мәғлүмәти моделләштереү технологияһын ҡуллана. 1 июлгә тиклем барлыҡ төҙөүселәр ҙә яңы һанлы технологияға күсергә бурыслы.