Рәсәйҙең мәҙәниәт министры Ольга Любимова Өфөгә сәфәрен Башҡорт дәүләт ҡурсаҡ театрынан башланы. Федераль мәҙәни ведомство башлығы ҙур реконструкция үткәрелгән бинаны ҡараны. Төҙөкләндерелгәндән һуң комплекстың дөйөм майҙаны 6 мең ярым квадрат метрға тиклем артҡан.
Аншлагтар менән спектаклдәр барған ҙур һәм бәләкәй залдан тыш, театрҙың йәйге тамашалар һәм фестивалдәр өсөн амфитеатры буласаҡ, йылы һауа торошо өсөн репертуар әҙерләнә. ЮНЕСКО объекттары, балалар өсөн ижади спорт майҙансығы планлаштырылған. Ольга Любимова элекке архитектура элементтарын һаҡлап ҡалған һаҡсыл реконструкцияны ыңғай баһаланы. Ул артистарға уңайлы шарттарҙа уңышлы эшләүҙәрен телән.