Үҙе китһә лә, хеҙмәте ҡалды. Рәсәй Фәндәр академияһының Өфө федераль тикшеренеү үҙәге Тарих, тел һәм әҙәбиәт институтында ғалим, төркиәтсе, археограф , шәрҡиәтсе филолог Рәмил Булгаковтың тыуына 70 йыл тулыуға арналған түңәрәк өҫтәл уҙҙы.
Рәмил Мәхмүт улы төркиәт өлкәһендә тикшеренеүҙәр менән шөғөлләнгән. Ул ғәрәп, фарсы, иҫке ғосман, бер нисә төрки, инглиз, немец һәм француз телдәрен белгән. Рәмил Булгаковтың ғилми хеҙмәттәре һәм тикшеренеүҙәре республиканың шәрҡиәтселәре һәм төркиәтселәре өсөн өҫтәл китабы булып тора. Ғалим былтыр июлдә вафат булғайны.