Ил президенты ҡушыуы тормошҡа ашырылған федераль программала быйыл Өфө ҡалаһы тәүге тапҡыр ҡатнаша. Яҙғы каникул осоронда 119-cы мәктәптә күләмле төҙөкләндереү эштәренә әҙерлек алып барылды, стена-иҙән ҡатламы илле процентҡа һүтелде. Капиталь ремонт сиктәрендә 1990 йылда нигеҙ һалынған белем усағында ниндәй үҙгәрештәр көтөлә? Проект буйынса эш ҡасан тамамлана? Был турала баш ҡала хакимиәтенең мәғариф идаралығы етәксеһе Азат Рафаил улы Батыршин менән БЮТ хәбәрсеһе Гөлназ Хәйбуллина әңгәмәләште.