Республика Хөкүмәтенән хәбәр итеүҙәренсә, мәртәбәле сара 24-26 майҙа Совет майҙанында ойошторола. Унда төрлө төбәктәр һәм илдәрҙән вәкилдәр ҡатнашыуы көтөлә. Өс көн дауамында халыҡ өсөн китап йәрминкәләре, оҫталыҡ дәрестәре, яҙыусылар менән осрашыуҙар, интерактивтар, тематик саралар үткәрелә, кино күрһәтелә. Сарала “Урал батыр ерендә йыл китабы” тигән конкурс еңеүселәре асыҡлана.