9 май алдынан «Яңылыҡтар» хеҙмәте Бөйөк Ватан һуғышы ветерандары тураһында яҙмалар циклын башлай. Киләһе сюжет геройы - Өфөлә йәшәгән Лидия Баженова. Бөгөн ветеран 105 йәшлек юбилейын билдәләй. Ханымдың яҙмышы ябай түгел. Ветеран менән БЮТ хәбәрсеһе Рәзилә Ғиниәтуллина осрашты.
Йыр ветеран күңеленә ҡыуаныс та, йыуаныс та. Бер нисә йыл элек кенә буш ваҡытын китап уҡып, кроссвордтар сисеп үткәрһә, быйыл һаулығы бындай мөмкинлеккә әҙерәк кәртә ҡуя . Онкология һаулығыһын ҡаҡшата. Тик Лидия Петровна бер нәмәгә лә зарланмай. Хәтере яҡшы, кәйефе көр. Һуғыш башланғанда, Лидия Петровна студент ҡына булған. Ул саҡта Ленинградҡа немец теленән уҡыуҙар үтергә килгән йәш ҡыҙҙың тормошо үҙгәрә. Бөтә ил халҡыныҡы кеүек.
Дәрестәр үткәс, Лидия Петровна мәктәптә уҡытыуға тотона. Педагогик стажы 50 йылдан ашыу. Бөгөн ветеран янында ике ейәнсәре, өс бүлә-бүләсәһе бар. Ә тормош иптәшен ул күптән юғалтҡан.
Тик яңы өйләнгән парҙың бәхете ғүмерле булмай. Бергә бер нисә йыл да йәшәп өлгөрмәйҙәр, Георгий Баженов һуғышҡа алына. Бер йылдан ул һәләк була. Башҡаса Лидия Петровна кейәүгә сыҡмай. Йөрәге түрендә тик бер исемде генә һаҡлай. Бөйөк Еңеү тураһында хәтирәләр ҙә күңелендә мәңгегә уйылып ҡалған.
Лидия Петровнаның оҙон ғүмер йәшәүенең үҙ сере. Уның фекеренсә, көн һайын йәйәү йөрөргә кәрәк. Сөнки хәрәкәттә - бәрәкәт, ти ул.
Рәзилә Ғиниәтуллина