Рәсәй транспорт күҙәтеүенең Волга буйы федераль округы буйынса һәм республиканың юл хәрәкәтен ойоштороу үҙәге белгестәре был участкала 29 апрелдән эшләй. Халыҡ урындағы карьерҙан ҡырсынташ алып сыҡҡан ҙур йөк машиналары арҡаһында юлдың емерелеүенә зарланған. Башҡортостан башлығы Радий Хәбиров ер аҫты байлыҡтарын файҙаланыусыны асыҡларға һәм хәлде төҙәтергә ҡушты. Артыҡ йөк тейәгән фураларҙы хатта юл йөрөүҙе тыйған билдә лә туҡтатмаған. Көнөнә ауыр йөк тейәгән йөҙәрләгән самосвал уҙған. Әммә Мөрсәлим контроль посы ауырлыҡ параметрҙарын боҙоусыларға кәртә ҡуйған.
Емерелгән юл мәсьәләһе республика башлығының айырым контролендә. Юлды тергеҙеү буйынса күрһәтмә бирелгән. Иң ҡатмарлы участка ҡырсынташ-гравий ҡатламы менән ҡапланған -был өс саҡрым самаһы юл. Дөйөм алғанда 15 км юлға асфальт түшәү планлаштырыла.