Кандидаттар өсөн республика халҡы 6 сентябрҙән 8 сентябргә тиклем тауыш бирәсәк. Бынан тыш, ошо уҡ көндәрҙә ҡала һәм район депуттары ла һайлана. Төбәктә 10 августан кандиттар агитацияһы кампанияһы башлана, 22 июлдән мобиль һайлаусы хеҙмәттәренә ғаризалар ҡабул ителә. Быйыл да бюллетендәрҙе иҫәпләү өсөн КОИБ-тар файҙаланыу ҡаралған.
Бюллетендәрҙе комплекслы эшкәртеү өсөн 305 коиб ҡуйыла. Һәр ваҡыттағыса мөмкинлектәре сикләнгән граждандар өсөн 5 махсус участка эшләйәсәк. Уларҙа брайль шрифты менән яҙылған бюллетендәр тәҡдим ителә. Башҡортостанда һайлау участкалары иртәнге 8 киске 8 тиклем эшләйәсәк.