Һөнәрҙәшебеҙ махсус хәрби операция биләмәһенә хеҙмәт итергә юлланды

Бөгөн “Юлдаш” радиоһы коллективы Альберт Рамазановты  әҙерлек үтеү үҙәгенә оҙатты. Ул Салауат районы егете. “Алғы һыҙыҡта булған таныштарым, дуҫтарым күп. Мин дә ил һағына баҫырға ҡарар иттем”, - тип белдерҙе Альберт.

 “Ул ысын патриот. Ғорурланабыҙ! Бөтә ир-егеттәребеҙҙе Еңеү менән көтәбеҙ”, - ти коллегабыҙҙың тормош иптәше Луиза Рамазанова.

Альберт Рамазанов 20 йылдан ашыу радиола тауыш режиссеры булып эшләй. Эфирҙан тыш сараларҙа әүҙем ҡатнаша. “Юлдаш”тың волейбол командаһы ағзаһы. “Коллегабыҙҙың ҡарарын хуплайбыҙ, хеҙмәтендә уңыштар теләйбеҙ”, - ти тауыш режиссерҙары Нияз Әбелғәзин һәм Динар Дәүләтбаев.

Альберт РамазановСалауат Юлаев исемендәге башҡорт батальонда хеҙмәт итәсәк.