Республика ирекмәндәре Ырымбур өлкәһе Орск ҡалаһының 35 ғаиләһенә ташҡын эҙемтәләрен бөтөрөргә ярҙам итте. Ике аҙна дауамында Халыҡ фронты «Йәштәр ҡанаты» һәм «Рәсәй тимер юлдары» йәштәр командалары ҡала халҡына йорттарҙы балсыҡтан, бысраҡтан һәм сүп-сарҙан таҙартырға, яраҡһыҙ биналарҙы һүтергә, ҡыйыҡ алмаштырырға һәм йорт яны биләмәләрендә тәртип урынлаштырыуҙа булышты. Башҡортостан ирекмәндәре Орскка икенсе тапҡыр ярҙам ҡулы һуҙа. Тәүгеһендә улар ҡалаға ташҡын ваҡытында килгән.