Бындай судно Өфөлә тәүгә барлыҡҡа килде. Әгәр элек инспекторҙар ярҙан дежур ойошторһа, хәҙер тәртип һыуҙан күҙәтеләсәк. Йылғаларҙа һәм һыуһаҡлағыстарҙа белгестәр лицензияһыҙ эшләгән кәмәселәрҙе, легаль булмаған йөк ташыусыларҙы асыҡлай, һыу объекттарында хәүефһеҙлекте күҙәтә һәм бәхетһеҙ осраҡтарҙы иҫкәртә. Катер ике дизель двигателе, навигация һәм радиотапшырыуҙар системалары менән йыһазландырылған. Уның экранында һәр бер үткән коммерция судноһы тураһында мәғлүмәт сыға. Сөнки бөтә һыу транспорты автоматик идентификация системаһына индерелгән.