Өфөгә Ҡарағалпаҡстандан рәсми делегация килде. Уны республиканың Юғары советы рәйесе Аманбай Орынбаев етәкләй. Сит ил вәкилдәре “Өфө” индустриаль паркы, бер нисә сәнәғәт ойошмаһы, “ЕврАзия” агропаркы һәм Евразия фәнни-мәғариф үҙәгенең вуз-ара студент кампусына бара. Эшҡыуарҙар менән осрашыу барышында уртаҡ проекттар буйынса фекер алышыу була. Улар араһында транспорт-логистика үҙәген төҙөү ҙә бар. Бында Үзбәкстандан индерелгән йәшелсә, емеш-еләк Рәсәйҙең башҡа төбәктәренә таратыласаҡ. Башҡортостан һәм Үзбәкстан араһында тауар әйләнеше артыуы күҙәтелә. Быйыл 4 айҙа ул 63,5 процентҡа күбәйгән.